Kumpirmadong dadalo si United States President Donald Trump sa 49th Association of Southeast Asian Nations (ASEAN) Summit at Related Summits sa Manila sa November.
Kinumpirma ito ng Malacañang nitong Miyerkules, October 14, bagaman hindi pa inilalabas ang detalye ng pagbisita ng US leader.
“It is confirmed, pero iyong details ay hindi po manggagaling sa akin,” sabi ni Presidential Communications Office Undersecretary at Palace Press Officer Claire Castro sa Palace briefing.
Nauna nang idineklara ni President Ferdinand Marcos Jr. ang November 16 hanggang 18, 2026 bilang special non-working days sa buong Metro Manila para sa pagdaraos ng ASEAN Summit.
Huling bumisita si Trump sa Pilipinas noong November 12 hanggang 14, 2017, nang dumalo siya sa 31st ASEAN Summit sa Manila sa kanyang unang termino bilang pangulo ng Amerika.
Huling nagkaharap sina Marcos at Trump sa White House sa Washington, D.C. noong July 22, 2025, kung saan tinalakay nila ang bilateral relations, defense cooperation at trade.
Nag-usap din sila ni Pangulong Marcos sa telepono noong July 23, 2026 tungkol sa economic developments at regional security concerns, kabilang ang sitwasyon sa South China Sea. /Bistado