Pinatatama ni Sen. Panfilo “Ping” Lacson ang pahayag ng kampo ni Vice President Sara Duterte na P500 milyon ang nasayang na pondo ng Senado sa 20 araw na pagtalakay sa impeachment charges na kalauna’y binawi ng House prosecution.
Ayon kay Lacson nitong Miyerkules, October 14, mali ang paggamit ni VP Duterte spokesperson Salvador Paolo Panelo Jr. sa P25 milyong daily operating cost ng Senado bilang batayan ng umano’y P500 milyong gastos sa impeachment trial.
“Where did he get his P25M/day figure? As far as I know, the GAA 2025 budget for the impeachment trial, most of which has remained unspent (only roughly P2 million was disbursed for the judges’ robes and other items) from the original P27.5 million is now being used under the ‘continuing appropriations’ provision in the General Appropriations Act,” sabi ni Lacson.
Nilinaw niyang P27.5 milyon lamang ang inilaan sa 2025 General Appropriations Act (GAA) para sa impeachment proceedings, at halos P2 milyon pa lamang ang nagagastos para sa mga toga ng senator-judges at iba pang pangangailangan.
Ang natitirang pondo ay sakop ng continuing appropriations na maaaring gamitin hanggang December 2026.
“The P25M per day clearly refers to the legislative functions of the Senate, not to the impeachment trial as misinterpreted, and the basis was the Maintenance and Other Operating Expenses (MOOE) and Personnel Services (PS) for one year which I computed on a per-day basis when the Cayetano-led boycott resulted in zero-legislation output due to lack of quorum after his ouster as Senate President,” paliwanag niya.
Nauna nang iginiit ni Panelo na P500 milyon ang ginastos mula sa pera ng taumbayan sa 20 araw na pagtalakay sa Articles I at IV ng impeachment case, na kapwa binawi ng prosecution. Nanawagan pa siya ng public outrage sa umano’y pag-aaksaya ng pondo.
“I urge the VP’s spokesman to rectify an obviously misleading figure of P500 million, as I assume it was an honest mistake on his part,” diin ni Lacson.
Nauna nang ginamit ni Lacson ang P25 milyong daily operating cost sa pagpuna sa 28-araw na pamumuno ni Sen. Alan Peter Cayetano bilang Senate president.
Tinaya niya noon sa P700 milyon ang operating expenses ng Senado sa naturang panahon, nang kakaunti umano ang nagawang legislative output dahil sa kakulangan ng quorum at pagboykot sa mga sesyon.
Para kay Lacson, hindi dapat ipagkamali ang regular na gastos sa pagpapatakbo ng Senado sa aktuwal na pondong ginamit para sa impeachment trial. /Bistado