Matagumpay na idinaos ng Philippine Football Federation (PFF) ang FIFA Member Association Referees Course 2026 kamakailan sa Rizal Memorial Stadium sa Maynila.
Sa loob ng limang araw, nagsama ang 31 kalahok mula sa 17 regional football associations.
Pinangunahan ni FIFA referee instructor Farkhad Abdullaev ng Uzbekistan ang mga talakayan sa classroom, video technique session at praktikal na pagsasanay.
Ang kurso ay kasama sa layunin ng PFF na itaas ang pamantayan ng officiating sa buong bansa at i-ayon ang mga lokal na referee sa patuloy na pagbabago ng interpretasyon ng mga patakaran ng FIFA, ang international football association.
“Referees are the backbone of a well-run competition and courses like this show our commitment to giving them the tools they need to officiate with confidence and integrity,” ani PFF president John Gutierrez.
“Every investment we make in our match officials is an investment in the credibility and growth of the sport in our country.”
Nagpasalamat si PFF secretary general Gelix Mercader kay Abdullaev para sa kanyang oras at sa alok na makipagtulungan sa Uzbekistan Football Association (UFA) sa Pilipinas.
“With this and future collaboration with UFA, there’s so much we can learn from their experts. Their first vice president Ravshan Irmatov is a former top FIFA referee with 11 FIFA World Cup appearances,” ani Mercader.
Ginamit ang mga materyales sa pagtuturo ng FIFA Refereeing Education sa buong kurso.
Sa unang araw, ang session ay tungkol sa mga pagbabago sa Laws of the Game para sa 2026-2027, video technique training tungkol sa Penalty Area Incidents at Challenges at talakayan tungkol sa penalty area incidents at challenges. Nagtapos ang araw sa isang praktikal na session kasama ang mga manlalaro at fitness training.
Sa ikalawang araw, nakatuon ang programa sa Handball at Tactical Fouls, na may video technique sessions sa umaga na sinundan ng talakayan tungkol sa handball at tactical fouls at fitness test sa hapon.
Tinalakay sa ikatlong araw ang Offside sa pamamagitan ng video technique training at talakayan.
Sumailalim din ang mga kalahok sa isang buong araw na pagsusuri ng video technique ng mga tinalakay na at sinabayan ng final practical at fitness session sa gabi.
Nagtapos ang kurso sa match management, pagbubuod ng mga aral sa buong linggo at isang pormal na closing ceremony.
Pinuri ni Abdullaev ang dedikasyon ng mga kalahok.
“I was happy to see the discipline, commitment, and enthusiasm in the referees’ eyes,” ani Abdullaev. “Seeing such talented boys and girls with this level of dedication gives them a great chance to go higher and make a lasting, positive impact on Philippine football.”
Sinuportahan ang kurso nina Roberto Hernandez at Dennis Estaniel bilang referee assessors; Ariel Montaña bilang fitness instructor; Bayani Jose Abad at Virgilio Imperial bilang committee members; at Mark Abel De Castro bilang referee administration manager.