Kabanata 30: Shopping
Pagpasok pa lang ng pulang Audi sa gate ng La Vista, agad na bumungad ang tatlong pamilyar na mukha.
Nakatayo sina Claire, Esther, at Monching.
Parang matagal nang naghihintay.
Dahan-dahang huminto ang sasakyan.
Pagbukas ng pinto, sinalubong agad sila ni Claire.
“Nandito na kayo,” sabi niya.
“Opo,” sagot ni Jiro.
Lumapit si Monching.
“Lipat tayo sasakyan,” sabi niya.
“May lakad tayo.”
“Saan tayo punta, Pa?” tanong ni Christian.
Ngumiti si Claire.
“Magsho-shopping tayo!”
Napangiti si Jiro.
“Wow…”
Pero napakamot siya.
“Pwede po bang maligo muna… hehe.”
Napatawa si Claire.
“Ay oo nga ano.”
“Sige, bilisan mo.”
Mabilis na umakyat si Jiro.
Pagpasok sa banyo—
Napahinto siya.
Malaki.
Makinis.
Maraming controls.
Napatingin siya sa shower.
“Paano ba ‘to…”
Hinawakan ang isang knob.
Wala.
Yung isa—
Biglang may tubig.
Napaatras siya.
Pagkatapos—
Napagana niya ang hot shower.
Mainit ang tubig.
Dahan-dahan siyang pumasok sa ilalim nito.
Napapikit.
Parang hinuhugasan ang pagod.
At ang gulo ng isip.
Mabilis siyang naligo.
Paglabas—
Bihis agad.
Asul na T-shirt.
Maong na pantalon.
Pagbaba—
Nakatayo si Claire.
Tinitigan siya.
“Kailangang-kailangan mo talaga itong gagawin natin, anak,” sabi niya.
Tumango si Jiro.
Sumakay sila sa Toyota Alphard.
Si Monching ang nagmaneho.
“Saan po tayo pupunta?” tanong ni Jiro.
“Sa Greenbelt,” sagot ni Claire.
“Bibilhan kita ng mga damit.”
“Ho? Bakit po? Malayo pa ang Pasko ah.”
Ngumiti si Claire.
“Gusto ko kasi…”
“Tumingin ka sa sarili mo.”
Napatingin si Jiro sa repleksyon.
“Gusto ko lumitaw ang kakisigan mong De Dios sa pananamit mo, ‘nak.”
Tahimik si Jiro.
Hindi pa rin siya sanay marinig ang apelyidong iyon na para bang kanya. /Itutuloy sa susunod na kabanata