Naglabas ng panibagong babala ang Bureau of Fisheries and Aquatic Resources (BFAR) matapos kumpirmahin sa Shellfish Bulletin No. 04, series of 2026 na nananatiling kontaminado ng paralytic shellfish poison o toxic red tide ang ilang baybayin saMindanao at Visayas.
Ayon sa Shellfish Bulletin na inilabas noong Pebrero 20, positibo pa rin ang mga sample mula sa Dumanquillas Bay saZamboanga del Sur, Tantanang Bay sa Zamboanga Sibugay, at Matarinao Bay sa Eastern Samar at lampas pa sa regulatory limit ang toxin level.
Mahigpit na abiso ng BFAR: bawal kainin, anihin, ibenta o bilhin ang lahat ng uri ng shellfish at pati alamang o Acetesspecies mula sa mga nasabing lugar.
Ipinaliwanag ng ahensya na ang red tide toxin ay walang amoy o kakaibang lasa kaya hindi agad napapansin kung kontaminadoang seafood. Kapag nakain, nagdudulot ito ng paralytic shellfish poisoning na nagiging sanhi ng pamamanhid, pagsusuka, at samalubhang kaso ay hirap sa paghinga.
Nilinaw rin sa bulletin na ligtas naman kainin ang isda, pusit, hipon at alimango basta sariwa at maayos ang paghahanda. Kailangang tanggalin ang hasang at bituka bago lutuin at hugasan nang mabuti upang mabawasan ang panganib ng lason.
Ayon sa BFAR, patuloy ang monitoring at sampling sa mgaapektadong bay habang nakikipag-ugnayan ang mga lokal napamahalaan sa mga mangingisda at pamilihan upang maiwasanang pagkalat ng kontaminadong produkto.
Samantala, may mahaba ring listahan ng coastal waters nanananatiling ligtas o red tide free kabilang ang ilang bahagi ng Manila Bay, Pangasinan, Palawan, Masbate, Iloilo at iba pang lugar, base sa parehong bulletin.
Pinapayuhan ang publiko na bantayan ang opisyal naadvisories bago bumili ng shellfish. Paalala ng BFAR, mas mabuti ang pag-iingat lalo na kung galing sa lugar na may aktibong red tide alert. /Bistado