Nagkabatian sa social media site na X ang P-pop groups na BINI at SB19, matapos i-anunsyo ng dalawang grupo na kabilang sila sa magtatanghal sa dalawang magkaiba at malalaking music festivals sa mundo.
Nakatakdang umakyat sa entablado ang BINI sa Coachella 2026 na gaganapin sa Empire Polo Club sa Indio, California sa April 10 at 17. Makakasama ng grupo ang ilang big international artists gaya nina Sabrina Carpenter, Justin Bieber, at Karol G sa nasabing festival na kilala bilang isa sa pinakamalaki sa global music scene.
Samantala, nakatakda namang maging kauna-unahang P-pop group ang SB19 na magpe-perform sa Lollapalooza, isang apat na araw na music festival na gaganapin mula July 30 hanggang August 4 sa Grant Park sa Chicago. Kabilang sa lineup ang mga global artist tulad nina Olivia Dean, Charli XCX, Lorde, Tate McRae, The XX, at The Smashing Pumpkins.
Sa gitna ng mga anunsyo, nagpalitan ng mensahe ang dalawang grupo sa social media. Sa isang post sa x, sinabi ng BINI, “A win for @SB19Official, a win for OPM! Huge congrats on your Lollapalooza journey! From PH to the world… mabuhay ang musikang Pilipino!”
Sumagot naman ang SB19, “Maraming salamat. All the best din sa Coachella nyo this April! Mabuhay ang musikang Pilipino, lagi lagi!”
The world is healing nga daw, sabi ng ilang netizens, at nakakaproud talaga ang patuloy na pagshine ng dalawang P-pop group sa world stage.
Sa isang komento sa Reddit, sinabi ng user na si Icy-Butterscotch5012, “Let’s not be hypocrites and pretend we aren’t yearning for global traction the same way K-pop took over the world. It’s not an overnight success. It took decades. That’s why we should celebrate that the two biggest P-pop groups in the Philippines and by far leading [girl group] and [boy group] in Southeast Asia by metrics will be performing at two of the biggest music festivals, not just in the West, but probably in the world.”
Good luck BINI at SB19! Bandera ng Pinas, iwagayway sa world stage! /Bistado