Labis-labis ang pasasalamat ni Ellen Adarna kay John Lloyd Cruz at sa girlfriend nitong si Isabel Santos dahil sa pag-imbita sa kanilang mag-iina para sa isang out-of-town trip. Nangyari ito sa Amanpulo, Pamalican Island sa Northern Palawan kamakailan.
Sa ginawang IG post ng kontrobersyal na aktres, kahit biglaan o isang araw lang daw ang preparasyon niya kasama ang dalawang anak para sa nasabing trip, grabe daw ang sayang ibinigay nito sa kanila.
Sey ni Ellen sa post, “The vacation we all needed. Cleansed by the sea and blood moon and far away from all the noise of the world (emoji). Thank you @_idancruz and @isabelreyesantos for inviting us on this 5-day getaway in paradise with only one day’s notice (emoji). To many more memories like this (emojis).”
Nagkaroon pa sila ng exchange of messages ni Isabel na ikinatutuwa ng marami dahil solid daw ang tinatawag na “blended family set-up” ng mga ito.
Anak ni John Lloyd kay Ellen si Elias na mag-8 years old na this June, habang si Lily naman na anak ni Derek Ramsay kay Ellen ay mag-two years old na this October.
Ayon pa sa mga nakasubaybay sa buhay ng mga naturang celebrities, “They are simply displaying good relationships. No bitterness or hatred, just pure fun and happiness. It’s not even for the sake of the kids but for them as mature and wise adults – parents setting a good example of how love and commitment are to be shared.”
Nakasama nila sa naturang 5-day vacation ang ilang malalapit na kaibigan at kaanak nina Lloydie at Isabel. /Bistado