Iginiit ni Tingog Party-list Rep. Jude Acidre na walang pananagutan si dating House Speaker Martin Romualdez sa usapin ng flood control anomalies, batay sa report ng Independent Commission for Infrastructure (ICI).
Ayon kay Acidre, malinaw ang nilalaman ng dokumentong pirmado ni retired Supreme Court Justice Andres Reyes. “The ICI referral itself, signed by retired Supreme Court Justice Andres Reyes, explicitly states: ‘This referral is issued without any finding or conclusion of guilt or liability on the part of former speaker Martin Romualdez,’ ” ani Acidre sa kanyang pahayag.
“That is not interpretation. That is the Commission’s own language.”
Binigyang-diin ni Acidre na ang naturang pahayag ay direktang nakasaad sa referral ng ICI, at hindi interpretasyon lamang ng sinuman. Para sa kanya, malinaw na walang finding of guilt o liability laban kay Romualdez batay sa dokumento.
Hindi naman binanggit ng mambabatas kung paano niya nabasa ang ICI report, na isinumite sa Office of the Ombudsman at hindi pa naisasapubliko.
Nag-ugat ang imbestigasyon ng ICI sa mga alegasyon ng “ghost projects” at overpricing sa flood control projects ng gobyerno. /Bistado